Albisteak

Gernika Gogoratuzek ARTPEACE proiektuaren hasierako bileran parte hartu du Berlinen, nazioarteko partzuergoko gainerako erakundeekin batera. Horizon Europe programaren bidez finantzatutako proiektu honek arteak, kulturak eta ondareak gatazken eraldaketan, memoria-prozesuetan eta bake justu eta iraunkorren eraikuntzan duten papera aztertuko du datozen urteetan.

Partzuergoa Berghof Foundation erakunde alemaniarrak koordinatzen du, eta honako erakunde hauek osatzen dute: University of Manchester eta Durham University (Erresuma Batua), University of Coimbra (Portugal), In Place of War (Ireland), CYENS Centre of Excellence (Zipre), STAN (Ukraina) eta Youth Initiative for Human Rights Kosovo.

ARTPEACE proiektuaren bidez, Gernika Gogoratuzek esperientziatik egingo du ekarpena, bereziki memoria, kultura, indarkeria politikoaren ondorioak, bizikidetza eta bakearen eraikuntza lantzen dituzten praktiken inguruan.