Albisteak

“Sorburua. Bakearen aldeko emakumeak” proiektuaren bi urteko prozesu kolektiboaren ondoren, Emakumeen Munduak Nazioarteko Kongresuak (MM26) XV. edizioa ospatuko du 2026ko maiatzaren 20tik 24ra Euskal Herrian, Emakumeak* eta bakeak lelopean. Hitzordu honek mundu osoko parte-hartzaileak bilduko ditu Gernika-Lumon eta Bilbon, gerrako narratiben segurtasunak eta aurrerapenak markatutako une historiko batean. Horren aurrean, MM26ak emakume* batzeak bake modu berriak pentsatzeko, irudikatzeko eta lantzeko duen indarra aldarrikatzen du.

Euskal Herriko, Kolonbiako eta Mozambikeko mugimendu sozialetako erakundeen elkarlanean egindako bi urteko prozesu baten ondorio da aurtengo edizioa, egunerokotasunetik bakea eraikitzeko oinarriak ereitera bideratua. Lurraldeetako sorburuen bidez hainbat arlotatik bakearen kultura sustatzen duten eragile, kolektibo, oinarrizko erakunde eta pertsonak bildu dira. Kongresuaren edukiak aberastuko dituzten proposamen feminista alternatiboak eta eraldatzaileak lantzeko topaketak sustatu dira bereziki. Era berean, akademiako eta mugimendu sozialeko eragileez osatutako talde eragilearen koordinazioak MM26aren metodologia eta antolaketakoa definitu ditu.

Gernika Gogoratuz eta Gernikatik Mundura dira kongresuko antolatzaileak, hiru lurraldeetako erakundeekin lankidetzan egindako prozesuan oinarrituta.

Proposamenak aurkezteko deialdia irekita dago, azaroaren 17tik otsailaren 1era arte. Gonbidapena mundu osoko emakumeei*, kolektiboei, oinarrizko erakundeei, aktibistei, ikertzaileei, ikasleei, artistei eta komunitateei zuzenduta dago. Deialdiko erreferentzia-terminoak hainbat hizkuntzatan eskuragarri daude webgunean mm26.org.

Proposamenik aurkeztu gabe parte hartzeko deialdia 2026ko otsailaren 1ean irekiko da. Eguneratutako informazio guztia Kongresuaren webgunearen eta sare sozialen bidez jarraitu ahal izango da.”