ARTPEACE: Gatazken eraldaketarako oinarriko praktika kultural eta sortzaileen ikerketa eta indartzea
ARTPEACE Horizon Europe programak finantzatutako proiektua da, 2026 eta 2029 artean garatuko dena. Proiektuaren helburua gizarte zibiletik sortzen diren praktika artistikoek zer ekarpen egin dezaketen gatazken eraldaketan eta bakearen eraikuntzan aztertzea da, biolentzia politikoak eta haren ondorioek markatutako testuinguruetan.
ZERGATIK SORTU DEN
Proiektua galdera konkretu batetik abiatzen da: zer gertatzen da arteak gertatutakoa kontatzeko aukera ematen duenean, espazio publikoan lekurik aurkitzen ez duten memoriak entzuteko bidea irekitzen duenean, eta ohiko hizkeren bidez nekez ematen diren elkarrizketak ahalbideratzen dituenean?
GERNIKA GOGORATUZEN PARTE-HARTZEA
Gernika Gogoratuzek Euskal Herriko esperientzia kokatua ekarriko du ARTPEACE proiektura. Testuinguru horretatik, proiektuak aukera emango du indarkeria politikoaren ondorioekin lotutako praktika artistiko eta kulturalak aztertzeko, baita gizarteak iragana lantzen, transmititzen eta eztabaidatzen jarraitzen duen moduak ere.
Gernika Gogoratuzeren parte-hartzea, bereziki, esperientzia esanguratsuak identifikatzera, kultur, hezkuntza eta gizarte eragileekin elkarrizketan aritzera eta euskal kasua nazioarteko beste testuinguru batzuekin harremanetan jartzera bideratuko da. Izan ere, testuinguru horietan ere artea memoriarekin, minarekin eta bizikidetzarekin lotzeko modu bat da.
BERRIAK
PROIEKTUAREN AURKEZPENA
2026ko ekainaren 9a
Gernika Gogoratuzek ARTPEACE proiektua abiarazteko bileran parte hartu du Berlinen, nazioarteko partzuergoa osatzen duten gainerako erakundeekin batera.
ALIANTZAK
BABESLEAK
ARTPEACE nazioarteko hainbat erakunde akademiko, kultural eta sozialek osatutako partzuergo bat da, Berghof Foundation erakundearen koordinaziopean. Bertan parte hartzen dute University of Manchester, In Place of War, Universidade de Coimbra, University of Durham, CYENS Centre of Excellence, STAN eta Youth Initiative for Human Rights Kosovo erakundeek.
Proiektuari buruzko informazio gehiago nahi baduzu, bisita ezazu 